Կյանքի 82-րդ տարում վախճանվել է բանաստեղծ, թարգմանիչ, ՀՀ մշակույթի վաստակավոր գործիչ Յուրի Սահակյանը: Այս մասին Facebook-ի իր էջում տեղեկացրել է Հայաստանի գրողների միության նախագահ Էդվարդ Միլիտոնյանը:
«Վաստակաշատ գրողի, մանուկների և բոլոր ընթերցողների սիրելի բանաստեղծի ու բարեկամի, հրաշալի գործընկերոջ և մարդու հիշատակը միշտ վառ կմնա նրան ճանաչողների ու մտերիմների սրտերում», – գրել նա:
Յուրի Սահակյանը հեղինակ է երեք տասնյակից ավելի բանաստեղծական ժողովածուների (մեծ մասը գրված մանուկների համար)։ Նրա բանաստեղծությունների հիման վրա գրվել են բազմաթիվ երգեր։
Նրա մահվանն իր Facebook-ի էջում անդրադարձել է նաև գրականագետ, խմբագիր Արքմենիկ Նիկողոսյանը:
«Երբ ուսումնասիրում էի 1960-ականներին ասպարեզ իջած բանաստեղծների գործերը, սկզբում ինձ ամենաշատը հենց Յուրի Սահակյանն էր տպավորել», – գրել է Նիկողոսյանը:
https://www.facebook.com/photo.php?fbid=10215168181418193&set=a.1224398970419&type=3&theater
ԽՈՐՀՈւՐԴ Է ՏՐՎՈւՄ ԿԱՐԴԱԼ
