Շենգենյան համաձայնագիրն անհրաժեշտ է վերանայել և այնտեղից բացառել մի շարք երկրներ։ Այս մասին հայտարարել է Ֆրանսիայի նախագահ Էմանուել Մակրոնը մեծ ասուլիսի ժամանակ:
«Բաց լինելու համար պետք է սահմաններ ունենալ, ընդունելության համար հարկավոր է տուն, այսինքն՝ պետք են սահմաններ, կանոններ»,- ասել է նա։
Նա նշել է, որ այսօր ամեն բան չէ, որ ստացվում է այնպես, ինչպես պետք է, իսկ Շենգենյան համաձայնագիրն այլևս չի աշխատում։
Մակրոնն ընդգծել է, որ զարգացման քաղաքականությունն ու միգրացիոն քաղաքականությունը պետք է լիովին վերակառուցել։
Պետության ղեկավարը կոչ է արել բարեփոխել Շենգենյան համաձայնագիրը՝ հիմնվելով գաղափարի վրա, որ Եվրոպան պետք է պաշտպանի իր սահմանները։
