«Մանչեսթեր Սիթին» որոշում է կայացրել թիմի արգենտինացի հարձակվող Խուլիան Ալվարեսի ապագայի վերաբերյալ։
Լրագրող Էկրեմ Կոնուրի խոսքով՝ «Քաղաքայինները» չեն պատրաստվում վաճառել 24-ամյա ֆուտբոլիստին ամառային տրանսֆերային պատուհանի ժամանակ՝ չնայած արգենտինացու նկատմամբ ՊՍԺ-ի և «Բարսելոնայի» հետաքրքրվածությանը։
Հիշեցնենք, որ ավարտված մրցաշրջանում Ալվարեսը մանչեսթերյան ակումբի կազմում մասնակեցլ է 54 հանդիպման՝ դառնալով 19 գոլի և 13 գոլային փոխանցման հեղինակ։ Հարձակվողի գործող պայմանագրի ժամկետը «Մանչեսթեր Սիթիի» հետ նախատեսված է մինչև 2028 թվականը:
