Նախօրեին ըմբշամարտի Եվրոպայի չեմպիոն հռչակված Մալխաս Ամոյանը Instagram-ի իր էջում անդրադարձել է իր հաղթանակին։
Նա նշել է, որ դժվարին ճանապարհ է անցել ոսկին նվաճելու համար ու սա հաղթանակ էր, որին երկար է սպասել։
Ամոյանի խոսքով՝ տիտղոսն ինքը նվաճել է հավաքականի մարզիչների, իր անձնական մարզիչների, հորեղբայրներից ու իր հետ մարզվող իր ընկերների շնորհիվ։
Մարզիկն առանձնահատուկ շնորհակալություն է հայտնել Հայաստանին, հայ ու եզդի ազգին՝ քաջալերելով միշտ իր կողքին լինելու համար։
«Մեծ հաղթանակները տրվում են շատ թանկ գնով», – եզրափակել է գրառումը Ամոյանը։