Ռուսաստանի Դաշնության վարչապետ Դմիտրի Մեդվեդևը 1 շաբաթ է տվել, որ դեպի Բելառուս տարանցման ժամանակ «Դրուժբա» խողովակաշարում «կեղտոտ» նավթի հայտնվելու պատճառները բացահայտվեն ու մեղավորներին գտնեն: Այս մասին հաղորդում է ՌԴ կառավարության մամուլի ծառայությունը:
ՌԴ վարչապետը պահանջել է ոչ միայն գտնել, այլև պատժել մեղավորներին՝ հանձնարարելով բոլոր նյութերը ուղարկել ՌԴ գլխավոր դատախազություն:
Հիշեցնենք, որ Լեհաստանն անորոշ ժամկետով դադարեցրել է «Դռուժբա» նավթատարով Բելառուսից ռուսական նավթի ներկրումը:
