Մեդվեդևը բարելավել է իր դիրքերը երեք հորիզոնականով

Ցինցինատիում ավարտվեց ATP Masters-1000 շարքի մրցաշարը։ Մարզիկները մենախաղի եզրափակչում միմյանց դեմ մրցում էին Դանիլ Մեդվեդևը և Դավիդ Գոֆենը։ Ռուս թենիսիստը նվաճեց կարիերայի առաջին Masters-ը։ 

Երկուշաբթի առավոտյան ATP-ն հրապարակել է վարկանիշային նոր աղյուսակը, որում ռուս թենիսիստը բարելավել է իր դիրքերը երեք հորիզոնականով։ Նշենք, որ Մեդվեդևը կարիերայի ընթացքում առաջին անգամ հայտնվում է ATP-ի վարկանիշային աղյուսակի հնգյակում։ 

Աշխարհի առաջին ռակետը շարունակում է մնալ Նովակ Ջոկովիչը։ Երկրորդը Ռաֆայել Նադալն է, երրորդ տեղում Ռոջեր Ֆեդերերն է։ Քառյակը եզրափակում է Դոմինիկ Թիմը։ 

1․ Նովակ Ջոկովիչ (Սերբիա) – 11,685 միավոր

2․ Ռաֆայել Նադալ (Իսպանիա) – 7,945 միավոր

3․ Ռոջեր Ֆեդերեր (Շվեյցարիա) – 6,950 միավոր

4․ Դոմինիկ Թիմ (Ավստրիա) – 4,925 միավոր

5․ Դանիլ Մեդվեդև (Ռուսաստան) – 4,195 միավոր

6․ Ալեքսանդր Զվերև (Գերմանիա) – 4,005 միավոր

7․ Կեյ Նիսիկորի (Ճապոնիա) – 4,005 միավոր

8․ Ստեֆանոս Ցիցիպաս (Հունաստան) – 3,455 միավոր

9․ Կարեն Խաչանով (Ռուսաստան) – 2,890 միավոր

10․ Ռոբերտո Բաուտիստա Ագուտ (Իսպանիա) – 2,575 միավոր