Այսօր՝ հունվարի 21-ին, մեկնարկել է Իրանի, Ռուսաստանի ու Չինաստանի ռազմածովային ուժերի համատեղ զորավարժությունը, որը ստացել է «Ծովային անվտանգության գոտի» անվանումը։
Այս մասին հայտնում է իրանական Mehr-ը։
Նշվում է, որ զորավարժությունն անցկացվում է Հնդկական օվկիանոսի հյուսիսում։
Ըստ աղբյուրի՝ իրանական կողմից զորավարժություններին մասնակցում են Իսլամական հեղափոխության պահապանների զորակազմի և Իրանի բանակի ռազմածովային ուժերի ստորաբաժանումները։
Զորավարժությունների ընթացքում նախատեսվում է իրականացնել մի շարք գործողություններ, այդ թվում այրվող նավի փրկում, զավթած նավի ազատագրում և այլն։