Լա Լիգա․ Մեսսին նոր ռեկորդ է սահմանել (ՏԵՍԱՆՅՈւԹ)

Իսպանիայի Լա Լիգայի 16-րդ տուրի շրջանակներում «Բարսելոնան» տանը մրցեց «Մալյորկայի» հետ ու հաղթեց 5-2 հաշվով։

Հանդիպման ժամանակ հեթ-տրիկ գրանցեց արգենտինացի աստղ Լիոնել Մեսսին, որը ռեկորդային էր Իսպանիայի առաջնության համար։ Սա ֆուտբոլիստի թվով 35-րդ հեթ-տրիկն էր։ Մեսսին այս պայքարում շրջանցեց Կրիշտիանու Ռոնալդուին, որ «Ռեալում» հանդես գալու տարիներին դարձել էր 34 հեթ-տրիկի հեղինակ։

Հիշեցնենք, որ այս խաղի ժամանակ անչափ գեղեցիկ գոլով աչքի ընկավ Լուիս Սուարեսը։