Այսօր լրագրողների հետ զրույցի ընթացքում ԲՀԿ-ական պատգամավոր Գևորգ Պետրոսյանն, անդրադառնալով Փաշինյանի հայտարարությանը, թե ԲՀԿ-ն պետք է մտածի արդյոք Նաիրա Զոհրաբյանը համապատասխանում է մարդու իրավունքների պաշտպանության հանձնաժողովի նախագահ լինելու համար նվազագույն չափանիշներին, նշեց, որ ԲՀԿ-ն որևէ հիմք չի տեսնում ԱԺ մարդու իրավունքների պաշտպանության հանձնաժողովի նախագահի պաշտոնում Նաիրա Զոհրաբյանի փոխարեն այլընտրանքներ փնտրելու համար:
«Նաիրա Զոհրաբյանը, մեր համոզմամբ, բարեխղճորեն է կատարել իր պարտականությունները, գործել է ԱԺ կանոնակարգ օրենի համաձայն», – ասաց Պետրոսյանը:
Հարցին՝ արդյոք խոսել է այս օրերին Ստրասբուրգում գտնվող Զոհրաբյանի հետ և արդյոք վերջինս ունի մտադրություն դադարեցնել իր լիազորությունները հանձնաժողովի նախագահի պաշտոնում, պատգամավորն ասաց.
«Ես անձամբ չեմ զրուցել, բայց որքանով գիտեմ, նման ցանկություն չկա: Ամեն մարդ ինքն է որոշում, բայց հիմքերը չկան»:
![](https://azat.tv/wp-content/uploads/2022/09/azattvlogoblack.png)