Չեմպիոնների լիգայի 1/8 եզրափակիչում «Ռեալից» կրած պարտությունից հետո (1։3) «Պարի Սեն-Ժերմենի» հանդերձարանում թեժ մթնոլորտի ֆոնին թիմի բրազիլացի հարձակվող Նեյմարը և իտալացի դարպասապահ Ջանլուիջի Դոնարուման վիճել են։ Այս մասին հայտնել է Marca-ն՝ նշելով, որ թիմակիցները ստիպված են եղել միջամտել։
Ըստ աղբյուրի՝ սկզբում Նեյմարը դարպասապահին հանդիմանել է առաջին գոլի դրվագում թույլ տված սխալի համար, ինչին ի պատասխան Դոնարուման թիմակցին հիշեցրել է նրա անհաջող գործողությունը, որը հանգեցրել է դարպասի երկրորդ գրավմանը։
