Հայաստանում կան փակ ավտոճանապարհներ

Հայաստանի Հանրապետության արտակարգ իրավիճակների նախարարությունից հայտնում են, որ ՀՀ տարածքում կան փակ ավտոճանապարհներ։

Այս մասին տեղեկանում ենք ՀՀ ԱԻՆ պաշտոնական կայքից։

Նշվում է, որ փակ է շարունակում մնալ Արագածոտնի մարզում «Ամբերդ» բարձր լեռնային օդերևութաբանական կայանից դեպի Քարի լիճ տանող ավտոճանապարհը։

Միևնույն ժամանակ, դեռևս չի բացվել՝ քարաթափման վտանգի պատճառով ժամանակավորապես փակված՝ Զովունի գյուղից դեպի Կորեայի ձոր տանող ավտոճանապարհը։