Պակիստանում ձերբակալվել են Չինաստանի հյուպատոսության վրա հարձակումը համակարգողները

Պակիստանի իրավապահները ձերբակալել են  են Կարաչի քաղաքում Չինաստանի հյուպատոսության վրա հարձակման երկու կասկածյալի, հայտնում է aysor.am-ը:

Նրանք ծագումով Կարաչիից և Շահդադփուրից են:
Ենթադրվում է, որ նրանցից մեկը հարձակումից առաջ կապի մեջ է մտել ահաբեկիչների հետ։ Կասկածյալներին հարցաքննում են։

ՉԺՀ-ի հյուպատոսության վրա հարձակումը տեղի էր ունեցել նախօրեին։ Երեք մարդ հյուպատոսության շենքի մոտ կրակահերթ էր  բացել և  ձեռքի նռնակ պայթեցրել։ Սկսվել էր փոխհրաձգություն։ Ահաբեկիչները ոչնչացվել էին, երկու ոստիկան սպանվել էր։

Դիվանագիտական առաքելությունից ոչ ոք չի տուժել։

Հարձակման պատասխանատվությունը ստանձնել է «Բելուջիստանի ազատագրման բանակ» խմբավորումը։