ԱԺ փոխնախագահի թեկնածուներից ՔՊ-ական Ռուբեն Ռուբինյանն այսօր ԱԺ-ում ելույթի ընթացքում շնորհավորեց ընդդիմադիրներին՝ Խորհրդարան անցնելու առթիվ։
Նա ասաց, որ քաղաքական հակառակորդին շնորհավորելու ավանդույթը հայկական քաղաքական դաշտում չլսված բան է եղել։ Հետո նշեց, որ իր քաղաքական հակառակորդները Խորհրդարանում են հայտնվել քաղաքացիների մի մասին վստահության քվեի շնորհիվ ու ինքը պարտավոր է հարգել այդ քվեն։
Ռուբինյանը ավելացրեց, որ ընդդիմադիրներն էլ պարտավորեն հարգել մեծամասնության քվեն ու հաշվի նստել դրա հետ։
Նա նշեց, որ անձնապես ամեն ինչ անելու է, որ ԱԺ ամբիոնը դառնա քաղաքական սուր, բայց հանդուրժող խոսքի կենտրոն։
