76-ամյա ամերիկուհի Քարեն Ուլենբեքը նվազագույն մակերեսների ուսումնասիրության համար արժանացել Աբելյան մրցանակի: Այս մասին հայտնում է Նորվեգիայի գիտությունների ակադեմիան:
«Երկրաչափական անալիզի բնագավառում Քարեն Ուլենբեքի աշխատություններն զգալիորեն փոխել են մաթեմատիկական լանդշաֆտը: Նրա տեսությունը հեղափոխականորեն փոխում է նվազագույն մակերեսների մասին հասկացությունները, նրա մեթոդներից հիմա օգտվում են բոլոր առաջատար մաթեմատիկոսները»,- հայտարարել է Աբելյան կոմիտեի ղեկավար Հանս Մունթե Կաասը:
Ուլենբեքը Տեխասի համալսարանի պրոֆեսոր է:
Աբելյան մրցանակը հանձնվում է 2003 թվականից մաթեմատիկայի ոլորտում արված նշանակալի հայտնագործությունների համար։
