Սանկտ Պետերբուրգում ծննդատան վերանորոգման ժամանակ 2 աշխատող ընկել է վերելակի հորանը: Ինչպես փոխանցում է Фонтанка.Ру-ն, տուժածները ՀՀ քաղաքացիներ են, որոնք 28 և 25 տարեկան են:
Տուժածների վիճակը գնահատվում է ծանր. նրանք բազմաթիվ բաց և փակ կոտրվածքներ, ներքին օրգանների վնասվածքներ ունեն: 28-ամյա տղամարդուն բժիշկները տեղափոխել են հիվանդանոցներից մեկի վերակենդանացման բաժանմունք:
Նախնական տվյալներով՝ վերելակն ընկել է ճոպանի կտրվելու պատճառով 18-րդ ծննդատան 4-րդ հարկից:
Պետերբուրգի քննչական կոմիտեում քրեական գործ է հարուցվել շինարարական աշխատանքների ժամանակ անվտանգության կանոնների խախտման մասին հոդվածի հատկանիշներով: