Արցախի պետնախարար Արտակ Բեգլարյանը ԱՄՆ-ում հյուրընկալվել է Հայաստանի Հանրապետության հյուպատոսություն։
Այս մասին հոկտեմբերի 31-ին Facebook-ի իր էջում գրել է Բեգլարյանը։
- Արցախի պետնախարարը մեկնել է Մոսկվա, այնուհետև՝ ԱՄՆ մի շարք քաղաքներ
- Քանի դեռ չի լուծվել ԼՂ հարցը, ռուս խաղաղապահների գործոնը կարևոր է․ ԱԽ գրասենյակ
«Լոս Անջելեսում ՀՀ հյուպատոսությունում կազմակերպվել էր պաշտոնական ընդունելություն իմ պատվին, որին մասնակցում էին հայկական համայնքի բազմաթիվ ներկայացուցիչներ, կազմակերպությունների ղեկավարներ և նահանգային ու քաղաքային ընտրված պաշտոնյաներ:
Ուրախ էի բոլոր հայ ու օտար ելույթ ունեցողներից լսել Արցախի կողքին շարունակաբար կանգնելու անհրաժեշտության ու պատրաստակամության մասին: Ես բարձր գնահատեցի Լոս Անջելեսի հայության ներդրումը Արցախի վերականգնման ու զարգացման գործում՝ միաժամանակ ներկայացնելով առկա կարիքներից բխող կարճաժամկետ ու երկարաժամկետ ծրագրերն Արցախում:
Հաճելի ու արդյունավետ էր նաև առանձին հանդիպում ունենալ Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրթյանին, մտքեր փոխանակել Սփյուռքի ներգրավվածության մակարդակի բարձրացման շուրջ:
Շնորհակալ եմ պարոն Բայբուրդյանին ու հյուպատոսության թիմին՝ իմ ու Դավիթ Հակոբյանի այցի ընթացքում իրենց ցուցաբերած արժեքավոր ու շարունակական աջակցության համար», – ասված է պետնախարարի գրառման մեջ: