Առողջապահության նախարարը տեղեկացրեց, որ առաջիկա օրերին սպասվում է Pfizer-ի պատվաստանյութերի առաջին խմբաքանակը։
Այս պահի դրությամբ Հայաստանում կորոնավիրուսի «Օմիկրոն» շտամ չի արձանագրվել։ Այսօր կառավարության նիստում այս մասին հայտարարել է ՀՀ վարչապետ Նիկոլ Փաշինյանը։
«Բայց նաև դա է անխուսափելի։ Ես դժվար եմ պատկերացնում, թե ինչպես կարող է այդ շտամը Հայաստան չմտնել»,– ասաց նա` միաժամանակ շեշտելով, որ եթե պատվաստումները նույն ծավալով շարունակվեն` ներառյալ խթանիչ դեղաչափերի ներարկումները, ճգնաժամից հնարավոր կլինի խուսափել։
Փաշինյանը նաև հայտնել է, որ Հայաստանում այսօր առկա են բոլոր տեսակի պատվաստանյութերը։
