Պլասիդո Դոմինգոն ասում է, որ կորոնավիրուսով է վարակվել

Աշխարհահռչակ օպերային աստղ, 79-ամյա իսպանացի դիրիժոր Պլասիդո Դոմինգոն, ով այժմ գտնվում է Մեքսիկայում, իր Facebook-ի էջում գրել է, որ կորոնավիրուսով է վարակվել։ Նա գրառմամբ հայտնում է.

«Ես համարում եմ, որ իմ բարոյական պարտքն է հայտնել ձեզ, որ ես դրական պատասխան եմ ստացել COVID-19-ի թեստի արդյունքում՝ կորոնավիրուսի համար:

Ես և ընտանիքս գտնվում ենք ինքնամեկուսացման մեջ այնքան ժամանակ, որքանով կպահանջվի բժշկվելու անհրաժեշտությունից ելնելով:

Ներկայումս մենք բոլորս լավ ենք զգում մեզ, բայց ես զգացել եմ ջերմություն և հազի ախտանիշներ, որից հետո որոշեցի թեստավորվել, և արդյունքները ստացվեցին դրական:

Աղաչում եմ բոլորին լինել չափազանց զգույշ, հետևել հիմնական ցուցումներին `հաճախ լվանալ ձեռքերը, առնվազն 6 ոտնաչափ հեռավորություն պահել մյուսներից, անում եք հնարավոր ամեն ինչ` վիրուսի տարածումը կանխարգելելու համար, և խնդրում եմ, ամենից առաջ, եթե կարողանաք տանը մնալ:

Միասին մենք կարող ենք պայքարել այս վիրուսի դեմ և դադարեցնել ներկայիս համաշխարհային ճգնաժամը, որպեսզի ապահով կարողանանք շատ շուտ վերադառնալ մեր բնականոն առօրյային:

Խնդրում եմ հետևել ձեր տեղական և պետական մարմինների ցուցումներին և կանոնակարգերին`պահելու ապահովություն և պաշտպանվածություն ոչ միայն ձեզ համար, այլև մեր ամբողջ համայնքի համար»։

https://www.facebook.com/PlacidoDomingo/posts/2912883992113515?__xts__%5B0%5D=68.ARDFxvij6z59ye_DmPiwPbw9UCpXuaaiTNfrPb1dCcuF96nHS5tKdKDTTA5rCM-cUAuA18sj1CHfM7THgwcpfZTslwTmzdlt8XQoo2nE_wnIlc8-3FiNpT-EBtyAUtKYjgnkdgNJ2ARWfU4kVl7cxqa4HTwOPjov_ZxpW_18QidxIWK7ZuiO69wb3sy_wkpPKxFNwQqkp1U7R7vCHsIlsPg2euNGB6IncHjc8fhTG2aqmtaoEw4KER_iGI5a5jvwAosLSHU0BqTRW-uSbWb0b_CHjtu2tL5wK-1TAYaK0ybjF-WlsVLUl3K45M2SQ_UaYjGHMIs_FRNKbF0Ij3u_0g&__tn__=-R