Քաղաքականություն

Պուտինն ու Ալիևը հեռախոսազրույց են ունեցել. քննարկվել է ԼՂ հարցը

ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, հաղորդում է Կրեմլի մամուլի ծառայությունը։

«Շարունակվել է քննարկումը Լեռնային Ղարաբաղի շուրջ իրավիճակի, դրա հետագա կայունացման վերաբերյալ՝ համաձայն Ռուսաստանի, Ադրբեջանի և Հայաստանի ղեկավարների 2020 թ. նոյեմբերի 9-ի և 2021 թ. հունվարի 11-ի հայտարարությունների: Մասնավորապես, բովանդակային կերպով քննարկվել են տարածաշրջանի խաղաղության, անվտանգության և սոցիալ-տնտեսական զարգացման, ինչպես նաև տրանսպորտային հաղորդակցությունների վերականգնման ուղղությամբ աշխատանքների ընթացքին վերաբերող խնդիրները: Միաժամանակ հաշվի են առնվել ապրիլի 7-ին Մոսկվայում կայացած բարձր մակարդակի ռուս-հայկական բանակցությունների արդյունքները», – նշված է Կրեմլի տարածած հաղորդագրությունում:

Կրեմլը հավելում է, որ կողմերը պայմանավորվել են ակտիվացնել շփումները տարբեր ձևաչափերով:

ՎԵՐՋԻՆ ԼՈւՐԵՐ

ՎԵՐԵՎ