Կրեմլի մամուլի ծառայությունը հայտնում է, որ Ռուսաստանի և Թուրքիայի նախագահներ Վլադիմիր Պուտինը ու Ռեջեփ Էրդողանը քննարկել են Անդրկովկասում տիրող իրավիճակը՝հայ-ադրբեջանական պետական սահմանին սրման շուրջ։
ՌԴ նախագահը ընդգծել է, որ շատ կարևոր է լարվածության աճը խթանող ցանկացած գործողության անթույլատրելիությունը:
Ըստ Կրեմլի մամուլի ծառայության՝ կողմերը պատրաստակամություն են հայտնել համակարգել ջանքերը տարածաշրջանի կայունացման նպատակով:
«Երկու որկների ղեկավարները նշել են, որ Լեռնային Ղարաբաղի հակամարտության քաղաքական և դիվանագիտական կարգավորումը՝ միջազգային իրավունքի սկզբունքների հիման վրա և ի շահ Հայաստանի և Ադրբեջանի ժողովուրդների, այլընտրանք չունի»,- ասված է հաղորդագրության մեջ:
