ՌԴ նախագահ և առաջիկա ընտրությունների թեկնածու Վլադիմիր Պուտինի նախընտրական կայքը DDoS հարձակումների է ենթարկվել:
Այս մասին լրագրողներին հայտնել է շտաբի մամուլի քարտուղարը։
«Հարձակումների թիվը մեծ է, դրանք եղել են արտերկրից: Ձեռնարկվել են բոլոր անհրաժեշտ միջոցները և այն արդեն աշխատում է բնականոն հունով»,- ասել է նա։
Նախընտրական կայքը գործարկվել էր այսօր:
Դաշնային խորհուրդը ՌԴ նախագահական ընտրությունները նշանակել է 2024 թվականի մարտի 17-ին։ Կենտրոնական ընտրական հանձնաժողովը որոշում է ընդունել, ըստ որի՝ քվեարկությունը կտևի երեք օր՝ մարտի 15-ից 17-ը։
