Չեչնիայի նախագահ Ռամզան Կադիրովը հանրապետության իշխանությունների հետ կայացած նիստի ժանանակ կոչ է արել ՌԴ նախագահ Վլադիմիր Պուտինին ցմահ նախագահ ընտրել:
«Ես միշտ ասում եմ․ մենք պետք է Վլադիմիր Պուտինին ցմահ նախագահ ընտրենք։ Այսօր ո՞վ կարող է փոխարինել նրան։ Համաշխարհային մասշտաբով նման քաղաքական առաջնորդ չկա։ Պետք է հպարտանանք դրանով»,- հայտարարել է Կադիրովը։
Կադիրովը նշել է, որ բոլոր փոփոխությունները մտցվում են հանուն պետության դիրքերն ամրապնդելու:
Կադիրովը հանդիպումից այս հատվածը ցուցադրող տեսանյութը հրապարակել է Telegram իր ալիքում։
