Լա լիգայի 7-րդ տուրում «Ռեալը» հյուրընկալվելիս ոչ-ոքի՝ 0-0 հաշվով ավարտեց հանդիպումը «Աթլետիկոյի» հետ։
Այսպիսով, «Ռեալը» Լա լիգայում երրորդ հանդիպումն անընդմեջ դարպասը անառիկ պահեց (1-0՝ «Սևիլիայի» դեմ, 2-0՝ «Օսասունայի» դեմ)։ «Արքայական» ակումբը Զիդանի գլխավորությամբ առաջին անգամ է նման արդյունք գրանցում Լա լիգայում։
Յոթ տուրից հետո «Ռեալը» 15 միավոր է վաստակել և գլխավորում է մրցաշարային աղյուսակը։
Լա լիգայի հաջորդ տուրում «սերուցքայինները» տանը կընդունեն «Գրանադային»։