Եղանակային շատ ցածր ջերմաստիճանի դեպքում ճանապարհի սառցակալումը հնարավոր չէ կանխել: «Ճանապարհային դեպարտամենտը» հորդորում է վարորդներին երթևեկել բացառապես ձմեռային անվադողերով: Ձյան տեղումների ժամանակ ճանապարհները հնարավոր է մաքրել, երբ ձյան շերտի հաստությունը 3-4 սմ-ից ավելի է: Մաքրման աշխատանքներին հաջորդում են աղով և ավազով մշակման գործընթացները, որոնք իրականացվում են պարբերաբար:
Երբ ջերմաստիճանը նվազում է -7°C-ից, աղը կորցնում է հալոցք առաջացնելու իր հատկությունը, և աղ-ավազային խառնուրդն ավելի ուշ է ներգործում: -7°C և ավելի ցածր ջերմաստիճանի դեպքում օգտագործվում են ավազ և խարամ, որոնք ավելացնում են ավտոմեքենաների անվադողերի հպումը ճանապարհածածկույթին: Վարորդներին խորհուրդ է տրվում լինել զգոն, վարել դանդաղ, պահպանել մեծ հեռավորություն դիմացի մեքենայից և հետևել բոլոր հրահանգներին։