Սիրիայի նախագահ Բաշար Ասադը Թեհրան կատարած աշխատանքային այցի ընթացքում Իրանի նախագահ Հասան Ռոհանիի հետ քննարկել է երկկողմ հարաբերություններն ու Սիրիայում հրադադարի երաշխավոր երկրների՝ Սոչիում կայացած գագաթնաժողովի արդյունքները։ Այս մասին հայտնում է Սիրիայի նախագահի մամուլի ծառայությունը, փոխանցում է «Ռիա Նովոստի»ն։
Ըստ հաղորդագրության՝ Ռոհանին ու Ասադը գոհունակություն են հայտնել երկկողմ հարաբերությունների զարգացման հարցում և պայմանավորվել շարունակել համակարգումը բոլոր մակարդակներում։
«Ռոհանին ընդգծել է, որ Թեհրանը կշարունակի Սիրիային տրամադրել անհրաժեշտ ամեն բան՝ ահաբեկչության դեմ պայքարն ավարտին հասցնելու և երկրի վերականգնումը սկսելու համար»,- ասվում է հաղորդագրության մեջ։
Իր հերթին Ասադը երախտագիտություն է հայտնել Ռոհանիին և իրանցի ժողովրդին՝ Սիրիայի օրինական իշխանություններին աջակցելու համար։
Աղբյուրը՝ https://www.shantnews.am