Արդեն տևական ժամանակ է շարունակվում են խոսակցությունները, որ Կրիշտիանու Ռոնալդուն իր ներկայիս ակումբի՝ «Մանչեսթեր Յունայթեդի» ղեկավարությունից դժգոհ է ու ցանկանում է փոխել թիմը։ Նա իր գործակալին խնդրել է նոր ակումբ փնտրել իր համար։
Մինչ այս նշվում էր միայն կատալոնական «Բարսելոնայի» անունը, բայց արդեն սկսվել է շրջանառվել մեկ այլ ակումբի անուն ևս։
Ինչպես հայտնում է Le10Sport-ը, Ռոնալդուի ծառայություններով հետաքրքրված է ֆրանսիական ՊՍԺ-ն, բայց ակումբը կփորձի ձեռք բերել պորտուգալացուն, եթե չստացվի թիմում պահել Կիլիան Մբապեին, որն էլ իր հերթին ցանկանում է խաղալ Մադրիդի «Ռեալում»։
Նշենք, որ Մբապեի պայմանագիրը ՊՍԺ-ի հետ նախատեսված է մինչև այս մրցաշրջանի ավարտ։
