Worldometers-ի հաղորդմամբ՝ Ռուսաստանում վերջին 24 ժամում գրանցվել է կորոնավիրուսային հիվանդության 5212 նոր դեպք:
Երկրի բոլոր 85 մարզերում հաստատվել են նոր դեպքեր։ 1334 հոգու մոտ հիվանդությունն անցնում է առանց կլինիկական դրսևորումների։
Վերջին մեկ օրում կորոնավիրուսից մահացել է 129 մարդ, հիվանդանոցներից դուրս գրվել՝ 6615 քաղաքացի։
Ամենից շատ վարակվածներին մեկ օրում հայտնաբերել են Մոսկվայում՝ 691 մարդ։ Սվերդլովսկի մարզում գրանցվել է 178 դեպք, Մերձմոսկվայում՝ 161, Սանկտ Պետերբուրգում՝ 155, Ստավրոպոլի երկրամասում՝ 137, Ռոստովի մարզում՝ 129: