Ռուսաստանի կառավարությունը օգտագործել է Լեռնային Ղարաբաղի Հանրապետություն եզրույթը

Ռուսաստանի կառավարության միասնական տեղեկատվական համակարգի կայքում օգտագործվել է Լեռնային Ղարաբաղի Հանրապետություն եզրույթը:

Նշվում է, որ կայքի գնումներ բաժնում հրապարակվել է Ռուսաստանի պաշտպանության նախարարության հայտը ԼՂ-ում տեղակայված ռազմական ավանների զորանոցային-բնակարանային ֆոնդի կազմակերպման և համալիր սպասարկման ծառայությունների մատուցման համար:

Հայտը վերնագրված է հետևյալ ձևակերպմամբ.

«Լեռնային Ղարաբաղի Հանրապետության տարածքում տեղակայված ռազմական ավանների զորանոցային-բնակարանային ֆոնդի կազմակերպման, համալիր սպասարկման ծառայությունների մատուցման համար»:

• Գլխավոր շտաբի պետը հանդիպել է եռամսյա հավաքի մասնակիցներին
• ՊՆ-ն եռամսյա վարժական հավաքներ կանցկացնի նաև սեպտեմբերից դեկտեմբեր հատվածում

Կայքում հայտը հրապարակվել է 2021 թվականի օգոստոսի 13-ին: Վերջնաժամկետն է 2021 թվականի սեպտեմբերի 16-ը:

Պատվերի ընդհանուր արժեքն է 151 միլիոն 414 հազար 88 ռուբլի:

Այս մասին տեղեկանում ենք «Արմենպրես»-ից։