Աշխարհի կենտրոնական բանկերն այս տարվա առաջին եռամսյակում գերազանցել են ոսկու գնումների ցուցանիշով վերջին վեց տարվա ռեկորդը: Այդ մասին հայտնել է Bloomberg-ը:
Ընդամենն աշխարհում, ինչպես հայտնի է դարձել գործակալությանը, 2019 թվականի առաջին եռամսյակում գնվել է 145,5 տոննա ոսկի, ինչը 68 տոկոսով ավելի Է 2018 թվականի նույն ժամանակահատվածի համեմատությամբ:
Այս ցուցանիշով Ռուսաստանն առաջատար է դարձել ապադոլարացման քաղաքականության շրջանակներում: 2019 թվականի առաջին եռամսյակում Ռուսաստանի բանկը գնել է 55,3 տոննա ոսկի և պահուստների ծավալը հասցրել է մինչև 2168,3 տոննա: Ոսկու գնումների ցուցանիշով երկրորդ տեղն զբաղեցրել է Չինաստանի Կենտրոնական բանկը, որը նույնպես փորձում է տարբերակել իր ակտիվները՝ շարժվելով դեպի ամերիկյան դոլարից հրաժարումը՝ Վաշինգտոնի հետ լարված հարաբերությունների ֆոնին:
2019 թվականի սկզբին ոսկու մյուս առավել ակտիվ գնորդներն են դարձել նաև Թուրքիան, Ղազախստանը, Էկվադորը, Կատարը և Կոլումբիան:
ԽՈՐՀՈւՐԴ Է ՏՐՎՈւՄ ԿԱՐԴԱԼ
