Ինչպես արդեն հայտել էինք, 2020 թվականից իռլանդական Ryanair ավիաընկերությունը կսկսի թռիչքներ իրականացնել Հայաստանից:
Այս կապակցությամբ ավիաընկերություն թվիթերյան պաշտոնական էջում տարածել է ՀՀ վարչապետ Նիկոլ Փաշինյանի և Քիմ Քարդաշյանի լուսանկարը։
«Դուք հաջողակ եք, Քիմ Քարդաշյան։ Մենք սկսում ենք մեր առաջին թռիչքները Հայաստանից»,-լուսանկարը մակագրել է ընկերությունը։
Նշենք, որ ՀՀ վարչապետը հրապարակված լուսանկարի մակագրության մեջ նշել էր, որ Քիմ Քարդաշյանի հետ պայմանավորվել է, որ նա ավելի հաճախ կայցելի Հայաստան։
Հավելենք, որ ավիաընկերության թռիչքները կիրականացվեն Հռոմ և Միլան՝ հունվարից, իսկ ամռանից՝ դեպի Բեռլին: Գյումրիի օդանավակայանից թռիչքներ կկատարվեն Մեմմինգեն (Մյունխենի մոտակայքում)։
You’re in luck @KimKardashian – we’ve just launched our first ever flights to Armenia 👏🇦🇲 https://t.co/55bK7lD1TY
— Ryanair (@Ryanair) October 16, 2019
