Սեպտեմբերի 19-ին, ժամը 21։33-ին ահազանգ է ստացվել, որ Երևանի Մյասնիկյան պողոտայում ավտոմեքենան դուրս է եկել ճանապարհի երթևեկելի հատվածից և սահել դեպի «Բելաջիո» ռեստորանային համալիր, հայտնում են ՀՀ ԱԻՆ պաշտոնական կայքից։
Նշվում է, որ դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Փրկարարները «ՎԱԶ-2121» մակնիշի ավտոմեքենան ուղղել են և տեղափոխել ճանապարհի երթևեկելի հատված։