ԱՄՆ Լրացուցիչ սննդային աջակցության ծրագրի (SNAP) դաշնային և նահանգային կանոնների խստացման հետևանքով Տեխասում կրճատվել է անվճար դպրոցական ճաշեր ստացող աշակերտների թիվը: Սան Անտոնիոյի North East Independent School District (NEISD) դպրոցական օկրուգում 30 կամպուս ամբողջությամբ զրկվել է անվճար սննդի ծրագրի հասանելիությունից, հայտնում է KSAT հեռուստաալիքը:
Անվճար սննդի ծրագրի դադարեցումը տեղական ընտանիքներին կանգնեցրել է կենցաղային ծախսերը վերանայելու անհրաժեշտության առջև: Ստեղծված իրավիճակում սննդաբաններն ու սոցիալական աջակցության մասնագետները ծնողներին առաջարկում են գործնական լուծումներ՝ ապահովելու երեխաների առողջ սնունդը նվազագույն բյուջեով:
Նյութը պատրաստվել է ksat.com-ի հրապարակած տեղեկությունների հիման վրա։
San Antonio Food Bank-ի «Սննդային առողջապահական կրթություն ընտանիքների համար» (CHEF) ծրագրի համակարգող Լուիս Ռիկարդո Կրոմպտոնը պարզաբանել է, որ տանը պատրաստված մատչելի ճաշացանկը պարտադիր չէ, որ զիջի որակով: Նա ցուցադրել է մի շարք բաղադրատոմսեր՝ օգտագործելով խանութների սեփական ապրանքանիշերի (օրինակ՝ H-E-B) մատչելի մթերքները:
Փորձագետի առաջարկած տարբերակների թվում են լոբազգիներով աղցանները, բանջարեղենով և հնդկահավի մսով ռուլետները: Կրոմպտոնի հաշվարկներով՝ լավաշը կամ տորտիլան արժեն մոտ 2-3 դոլար, իսկ գազարն ու սելդերեյը՝ 1-1.50 դոլար, ինչը թույլ է տալիս էապես կրճատել ծախսերը: Բացի այդ, նա խորհուրդ է տալիս տանը պատրաստել հումուս և ավոկադոյով ու բանանով շոկոլադե մուս, որի բաղադրիչներն արժեն ընդամենը 2-3 դոլար: