«Լիվերպուլի» հարձակվող Մոհամեդ Սալահն անսովոր տեսանյութի միջոցով բացատրել է, որ իր և թիմակից Սադիո Մանեի միջև որևէ ատելություն կամ թշնամանք չկա:
Ամեն ինչ սկսվել է ԱՊԼ-ի 3-րդ տուրի՝ «Բարնլիի» հետ խաղում (0:3):
Խաղային դրվագներից մեկում Սալահը փոխանցում չի կատարել Մանեին: Սենեգալցուն մեկ րոպե անց փոխարինել են, իսկ օպերատորները ֆիքսել են, թե ինչպես է վերջինս բուռն կերպով արտահայտվում թիմակցի հասցեին:
Էմոցիոնալ բացականչությունները նա շարունակում է նաև պահեստայիններ նստարանին:
Սնմիջապես սկսեցին ասեկոսեները այն մասին, որ հարձակվողները լարված հարաբերությունների մեջ են, բայց Սալահը շտապեց հստակություն մտցնել իրավիճակում՝ զվարճալի տեսանյութ հրապարակելով Թվիթերում, որտեղ երկու տղա՝ իր և Մանեի դեմքով, ջերմորեն գալիս են միմյանց ընդառաջ ու գրկախառնվում: Ընդ որում, այս ամենին կողքից հետևում է «Լիվերպուլի» գլխավոր մարզիչ Յուրգեն Կլոպը:
https://www.youtube.com/watch?v=BpaVTk8nBJ0
