Շարունակվում է «Քարդիֆի» նորեկ Էմիլիանո Սալայի անհետացած ինքնաթիռի գործով հետաքննությունը:
Ինչպես հայտնում է The Times-ը, հետաքննության արդյունքում պարզ է դարձել, որ օդաչու Դևիդ Իբոտսոնը վճարովի թռիչքներ իրականացնելու համար անհաժեշտ թույլտվություն չի ունեցել:
Այս պահին հստակեցվում է՝ արդյոք Սալայի չվերթը վճարովի՞ էր, թե՞ մասնավոր:
Հիշեցնենք՝ այս տրանսֆերային պատուհանի ընթացքում Սալան «Քարդիֆ» է տեղափոխվել «Նանտից»: Հունվարի 21-ի երեկոյան հարձակվողը հրաժեշտ է տվել ֆրանսիական թիմում իր խաղընկերներին ու մասնավոր ինքնաթիռով ուղևորվել Ուելս, սակայն նախատեսված վայրէջքից մոտ մեկ ժամ առաջ, անհետացել է ռադարների տեսադաշտից:
Երեկ՝ հունվարի 24-ին, ոստիկանությունը որոշել է դադարեցնել որոնողական աշխատանքները:
Հայտնում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
