Երևան քաղաքի ընդհանուր իրավասության դատարանում այսօր՝ հունիսի 16-ին տեղի էր ունենում Հայաստանի երրորդ նախագահ Սերժ Սարգսյանի եղբորորդու գործով դատական նիստը։
Հրապարակվեց Նարեկ Սարգսյանի դատավճիռը և նա դատապարտվեց 5,6 տարվա ազատազրկման:
Դատարանը հաշվակցեց Նարեկ Սարգսյանի անազատության մեջ գտնվելու ժամկետը և նրա նկատմամբ վերջնական պատիժ նշանակեց 3 տարի 6 ամիս 23 օր ժամկետով ազատազրկումը:
Նարեկ Սարգսյանը մեղավոր ճանաչվեց ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի ապօրինի շրջանառությունն իրացնելու, պատրաստելու նպատակով կամ դրանք ապօրինի իրացնելու հոդվածով, ինչպես նաև անձի առևանգումը կազմակերպելու համար:
2018 թվականի հուլիսից Նարեկ Սարգսյանը հետախուզվում էր։ Նա հայտնաբերվել էր Չեխիայում՝ Ֆրանկլին Գոնսալես անվամբ, 2019-ին դեկտեմբերին Սարգսյանն արտահանձնվել էր Հայաստանին։
![](https://azat.tv/wp-content/uploads/2022/09/azattvlogoblack.png)