Այսօր Արաբկիր վարչական շրջանի «Քաղաքացիական պայմանագիր» կուսակցության համակիրների հետ հանդիպման վարչապետի պաշտոնակատար Նիկոլ Փաշինյանը անդրադարձավ Սյունիքում տիրող իրավիճակին և Սև լճին, որը այս պահին գտնվում է Ադրբեջանի վերահսկողության տակ:
«Այս ընթացքում Սև լճի հետ կապված այդքան թեմա անցավ: Սովետական միության քարտեզները հրապարակվեցին և մենք բոլորս տեսանք, որ այն վերևի մի հատվածը սահմանը անցնում է ջրի միջով և դա 20-30 տոկոսն է մոտավոր: Հիմա եկեք հասկանանք, նայենք, ուսումնասիրենք՝ արդյո՞ք այդպես է, թե չէ, և մենք Սև լճի այդ 30 տոկոսի համար պատերազմ ենք սկսելու, չի լինում այդպես ուղղակի, մենք չենք գնալու ուղղակի իրավիճակի սրմանը»,- ասաց Նիկոլ Փաշինյանը:
Նա նաև նշեց՝ սահմանային իրավիճակը լուծվելու է խաղաղ ճանապարհով:
«Ես երեկ բանաձևը հրապարակել եմ: Համանախագահ երկրներից մեկը նախնական արձագանքել է, հույս ունեմ, որ մյուս 2 համանախագահող երկրները կարձագանքեն և մեկ շաբաթվա, օրերի ընթացքում կարելի է զորքերը հետ քաշել մինչև դիտորդները կգան»,- նշեց վարչապետի պաշտոնակատարը:
