2025 թվականին Դատախազությունը նախաձեռնել էր Սևանա լճի ափամերձ տարածքներում օրենքի խախտմամբ օտարված կամ վարձակալության հանձնված գույքերը պետությանը վերադարձնելու աշխատանքները: Գեղարքունիքի մարզի դատախազությունում կատարված ուսումնասիրությունների արդյունքում, միջնորդագիր էր հասցեագրվել Սևան համայնքին և «Սևան ազգային պարկ» ՊՈԱԿ-ին՝ 34 հողամասերում ապօրինի կառուցված շենք-շինությունները ապամոնտաժելու նպատակով: Այս գործընթացի շրջանակներում արդեն իսկ կայացվել է 23 քանդման որոշում:
Այս պահին, Սևանա լճի ափամերձ 11 հողամասերում ապամոնտաժվել է 20-ից ավելի ապօրինի կառուցված շենք-շինություն: Դատախազության կողմից իրականացվող աշխատանքները շարունակվելու են 2026 թվականին, իսկ 2025 թվականին ևս 8 միջնորդագիր է հասցեագրվել Շրջակա միջավայրի նախարարությանը: Այս միջնորդագրերը վերաբերում են հայտնի անձանց կողմից ապօրինի կառուցված շենքերին, ինչպիսիք են «Հարսնաքար» հյուրանոցի համալիրները և այլ առանձնատներ: