Լևանդովսկին ասել է՝ ինչի շնորհիվ է շարունակում արդյունավետ լինել

Կատալոնական «Բարսելոնայի» կենտրոնական հարձակվող Ռոբերտ Լևանդովսկին պատմել է, թե ինչու է 34 տարեկանում շարունակում բարձր ցուցանիշներ ցուցադրել։

«Քանի որ ես արդեն մեծ եմ, իմ որոշումներն ավելի հասուն և մտածված դարձան։ Ուղեղս արդեն ավտոմատ կերպով ազդակ է տալիս ոտքերին, թե ինչպես վարվել այս կամ այն ​​իրավիճակում։ Կարիերայիս ընթացքում մեծ փորձ եմ կուտակել»,- լեհ հարձակվողի խոսքերն է փոխանցում Football Espana-ն։

Լևանդովսկին ամառային տրանսֆերային պատուհանի ժամանակ է միացել «Բարսելոնային»: Նրան գնել են Մյունխենի «Բավարիայից» 45 միլիոն եվրոյով։

Այս մրցաշրջանում Ռոբերտը մասնակցել է 17 խաղի և դարձել 18 գոլի և 4 գոլային փոխանցման հեղինակ։