Սիրիայի նախագահ Բաշար ալ Ասադը պաշտոնական այցով Մոսկվա կժամանի մարտի կեսերին։ Այս մասին հայտնում է Ведомости-ն՝ հղում անելով դիվանագիտական աղբյուրին։
ՌԴ ղեկավարի վարչակազմին մոտ կանգնած զրուցակիցը նշել է, որ Բաշար ալ-Ասադին կարող է ընդունել նաեւ ՌԴ նախագահ Վլադիմիր Պուտինը։ Պարբերականը նշում է, որ Կրեմլի խոսնակ Դմիտրի Պեսկովը չի պատասխանել հրապարակման համապատասխան խնդրանքին։
Փորձագետների կարծիքով օրակարգում կլինեն հումանիտար հարցեր, հարաբերությունների կարգավորման հարցեր։ Բացի այդ, Ռուսաստանի Միջազգային հարաբերությունների խորհրդի փորձագետ Կիրիլ Սեմյոնովը խոստովանել է, որ Ասադը կփորձի օգնություն ստանալ Մոսկվայից երկրաշարժի հետևանքները լուծելու, ինչպես նաև Սիրիայում վառելիքի լուրջ ճգնաժամը հաղթահարելու համար։
Սեմյոնովը նաև կարծիք է հայտնել, որ կողմերը կքննարկեն երկկողմ հարաբերությունները Ուկրաինայում շարունակվող հակամարտության ֆոնին։ Փորձագետը պարզաբանել է, որ Դամասկոսի և Մոսկվայի համար կարևոր է համեմատել միմյանց դիրքորոշումները և մշակել ընդհանուր մոտեցումներ։
