Սիրիայի գրեթե բոլոր քաղաքներում հազարավոր քաղաքացիներ բողոքի ակցիաների են դուրս եկել՝ ԱՄՆ նախագահ Դոնալդ Թրամփի որոշման դեմ, որը վերաբերում էր Գոլանի բարձունքներն Իսրայելինը ճանաչելունը: Այս մասին հայտնում է Սիրիայի SANA ազգային գործակալությունը: Հազարավոր մարդիկ դուրս են եկել Դամասկոսի, Հոմսի, Դեյր Զորի, Կամըշլիի, Կունեյտրայի (Գոլանի բարձունքներում) և այլ քաղաքների կենտրոնական հրապարակներ:
ԱՄՆ նախագահ Դոնալդ Թրամփը Իսրայելի վարչապետ Բենիամին Նաթանյահուի հետ երկուշաբթի Սպիտակ տանը կայացած հանդիպման ընթացքում հռչակագիր է ստորագրել Գոլանի բարձունքների նկատմամբ Իսրայելի ինքնիշխանությունը ճանաչելու մասին: Նախագահ Թրամփի որոշումը դատապարտել են մի շարք երկրներ, այդ թվում, Սաուդյան Արաբիան, Կատարը, Քուվեյթը և այլն:
Ավելի վաղ գործակալությունը հայտնել էր Սիրիայի հարավի Դերաա քաղաքի կենտրոնում անցկացվող զանգվածային հանրահավաքի մասին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
