Կոլումբիայի արևմտյան Չոկո դեպարտամենտում սողանքների հետևանքով զոհվել է 18, վիրավորվել՝ 35 մարդ:
Այս մասին հայտնել է Tiempo թերթը՝ վկայակոչելով տեղական փրկարար ծառայությունների տվյալները։
Սողանքները տեղի են ունեցել Կիբդո և Մեդելյին քաղաքների ճանապարհին, ինչի հետևանքով քանդվել է մի տուն, որտեղ մոտ 50 մարդ սպասելիս է եղել ճանապարհի բացվելուն։ Բոլորը հայտնվել են փլատակների տակ։
Հիվանդանոց է տեղափոխվել 25 տուժած։
Որոնողափրկարարական աշխատանքներ են իրականացվում աղետի վայրում։
Ողբերգության պատճառը երկրում հորդառատ անձրևներն ու վատ ենթակառուցվածքներն են: Տեղի բնակիչները դժգոհել են, որ ջրհեղեղի մասին ահազանգը շատ ուշ է եկել։
Նախագահ Խուան Մանուել Սանտոսն այցելել է դեպքի վայր և օգնություն խոստացել բնակիչներին։
![](https://azat.tv/wp-content/uploads/2022/09/azattvlogoblack.png)