Վազգեն Սարգսյանն անուրանալի ավանդ ունի Հայաստանի նորանկախ Հանրապետության զինված ուժերի կայացման և մեր հաղթանակների կերտման գործում։ Այս մասին Infoport.am -ի հետ զրույցում ասաց ՀՀ ԱԺ պատգամավոր, ՔՊ խմբակցության պատգամավոր Խաչատուր Սուքիասյանը՝ հավելելով, որ ինքն իր ելույթում նկատի է ունեցել արդեն հետպատերազմյան շրջանում տեղի ունեցած իրադարձությունները։
«Վազգեն Սարգսյանը որպես զինվորական գործիչ, որպես պաշտպանության նախարար՝ անուրանալի ավանդ ունի Հայաստանի բանակի ստեղծման, զինված ուժերի կայացման գործում, և նա մեր փառապանծ հաղթանակների կերտողներից է եղել. սա անուրանալի է, և ես այդ մասին մեկ անգամ չէ, որ ասել եմ։
- Արմեն Գևորգյանի պաշտպանը պատասխանել է Խաչատուր Սուքիասյանին
- Ես ամեն ինչ հիմնավոր եմ ասում․ Սուքիասյանը՝ Սերժ Սարգսյանի կողմից իրեն դատի տալու մասին
Իմ խոսքն այլ էր, որը մանիպուլացվեց։ Ես նկատի ունեմ, որ Վազգեն Սարգսյանը, որպես զինվորական գործիչ, իրավունք չուներ մտնել քաղաքականություն և դեմ դուրս գալ քաղաքական իշխանությանը։ Քաղաքական իշխանությունը որոշում կայացնողն էր, իսկ զինվորականները՝ կատարողը»,-ասաց Սուքիասյանը՝ հավելելով, որ ոչ ոք չի ուրանում Սարգսյանի ավանդը։
