Այսօր Իրանի պաշտպանության նախարար, գեներալ Ամիր Հաթամին հայտարարել է, որ Թեհրանը կարող է կոշտ քայլերի դիմել ղարաբաղյան հակամարտության կողմերի դեմ, եթե ռազմական գործողությունների ընթացքում օգտագործվող ռումբերն առաջիկայում էլ ընկնեն Իրանի տարածք։
«Մեր սահմանների անվտանգությունը կենսական կարևորություն ունի մեզ համար», – հայտարարել է Իրանի պաշտպանության նախարար, գեներալ Ամիր Հաթամին։
Ամիր Հաթամին շեշտել է, որ իրենց համար ցանկացած տիպի հարձակում անընդունելի է, և եթե այդ քայլերը կրկնվեն, իրենք զգուշացումներից բացի կանցնենք առավել կոշտ միջոցների։
Տեղական լրատվամիջոցները երեկ հաղորդել էին, թե երեկ Իրանի տարածքում՝ Հայաստանի և Ադրբեջանի հետ սահմանակից նահանգում մի քանի ռումբ է ընկել, ինչի հետևանքով վեց տարեկան մի երեխա վնասվածքներ է ստացել, տուժել են որոշ բնակելի տներ ու գյուղատնտեսական տարածքներ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
