Թաիլանդի կառավարությունը ներկայումս վերանայում է իր տնտեսական ռազմավարությունը՝ զբոսաշրջիկների թվաքանակի նվազման ֆոնին: The Diplomat պարբերականի հուլիսի 10-ի հրապարակման համաձայն՝ իշխանությունները փորձում են շեշտադրումը տեղափոխել դեպի բարձր եկամուտ ունեցող զբոսաշրջիկների ներգրավում, սակայն տնտեսագետները նախազգուշացնում են, որ այս քաղաքականությունը կարող է խորացնել երկրում առկա սոցիալական անհավասարությունը:
Ըստ 2026 թվականի Համաշխարհային անհավասարության զեկույցի (World Inequality Report)՝ Թաիլանդում եկամուտների խիստ բևեռացում է. բնակչության ամենահարուստ 10 տոկոսը տնօրինում է երկրի ընդհանուր եկամտի 52 տոկոսը և հարստության 65 տոկոսը: Փորձագետները և Արժույթի միջազգային հիմնադրամը (ԱՄՀ) կառավարությանը հորդորում են դադարեցնել հարկային արտոնությունների չարաշահումը և անցնել ավելի պրոգրեսիվ հարկային համակարգի:
Չնայած ԱՄՀ-ի կողմից հնչող բազմամյա հորդորներին՝ հարկային բարեփոխումները, ներառյալ հողային հարկի վերանայումը, հաճախ բախվում են քաղաքական էլիտայի դիմադրությանը: Տնտեսագետները նշում են, որ զբոսաշրջության ոլորտում փոփոխությունները չեն կարող փոխարինել հարկաբյուջետային համակարգի արդիականացմանը, որը կենսական նշանակություն ունի աղքատության հաղթահարման և տնտեսական կայունության համար: