Ոստիկանության Գյումրի քաղաքի Մուշի բաժնի քրեական հետախույզները, ստացած տեղեկություններն իրացնելիս, ապօրինի թմրամիջոց պահելու և օգտագործելու կասկածանքով, հուլիսի 8-ին, ժամը 21.30-ին, Անի թաղամասից բերման են ենթարկել Մ. Ավետիսյան փողոցի բնակիչ, 39-ամյա մի տղամարդու՝ «Օպել Վեկտրա» մակնիշի մեքենայով հանդերձ:
Անձնական խուզարկությամբ նրա մոտ հայտնաբերվել է թղթե փաթեթ՝ շագանակագույն, կիսաչոր, մանրացված զանգվածով: Հայտնաբերվածի վերաբերյալ նա հայտնել է, որ այն կանեփի թփերից, թութունից և ացետոնից պատրաստված խիմկա տեսակի թմրամիջոց է, իսկ կանեփը քաղել է նույն օրը՝ Արևիկ գյուղի ճանապարհից և տեղում էլ պատրաստել է թմրամիջոցը՝ հետագայում օգտագործելու համար:
Նշանակվել է դատաքիմիական փորձաքննություն:
Նախապատրաստվում են նյութեր:
Այս մասին տեղեկացնում են ՀՀ ոստիկանության պաշտոնական կայքից։
