Թուրքիայի արտաքին գործերի նախարար Հաքան Ֆիդանը մամուլի ասուլիսի ընթացքում շեշտել է, որ «Զանգեզուրի միջանցքը» կարևոր նշանակություն ունի տարածաշրջանում խաղաղության հաստատման համար։ Նա նշել է, որ Թուրքիան պատրաստ է աջակցել Ադրբեջանի և Հայաստանի միջև վերջնական խաղաղության համաձայնագրի ստորագրմանը։ Ֆիդանը ընդգծել է, որ երկու երկրների միջև հարաբերությունների կարգավորումը կարևոր է, և այդ հարցում կա անհրաժեշտ կամք՝ ինչպես Ադրբեջանի, այնպես էլ Հայաստանի կողմից։
Արտգործնախարարն ավելացրել է, որ իր և Ադրբեջանի արտաքին գործերի նախարար Ջեյհուն Բայրամովի միջև տեղի ունեցած քննարկումների ընթացքում անդրադարձ է կատարվել նաև Թրամփի «Միջազգային խաղաղության և բարօրության» (TRIPP) ծրագրի շրջանակային փաստաթղթին։ Հաքան Ֆիդանը նշել է, որ Թուրքիայի նախագահ Էրդողանը նույնպես տեղեկացված է այս հարցի շուրջ։ «ՀՀ արտաքին գործերի նախարարի Վաշինգտոն կատարած այցի ժամանակ հրապարակվել է TRIPP շրջանակային փաստաթուղթը։ Մենք այս հարցի շուրջ երկժամյա քննարկումներ ենք ունեցել իմ հարգարժան գործընկեր Ջեյհուն Բայրամովի հետ։ Ադրբեջանական կողմի հեռանկարները կարևոր են մեզ համար»,- ասել է Ֆիդանը։