Թուրքիան հարվածել է Սիրիայի Իդլիբ նահանգում դիտորդություն իրականացնողների ուղղությամբ կրակ բացած սիրիական դիրքերին: Այս մասին հայտնում է թուրքական Anadolu գործակալությունը՝ հղում կատարելով այդ երկրի Պաշտպանության նախարարությանը:
Ավելի վաղ հայտնի էր դարձել, որ նահանգում տեղակայված թուրքական ուժերի վրա կատարված հարձակման հետևանքով մեկ զինվոր սպանվել էր, երեքը վիրավորվել էին:
Անկարան այդ գործողությունները դիտավորություն է որակել:
Ռուսաստանը, Թուրքիան և Իրանը Արաբական Հանրապետությունում զինադադարի երաշխավորներն են: Այստեղ զինված հակամարտությունը շարունակվում է դեռևս 2011 թվականից:
Իդլիբը շարունակում է մնալ ամենախնդրահարույց նահանգը, որը չի վերահսկվում Սիրիայի կառավարական ուժերի կողմից:
Իրավիճակը բարդանում է նաև Թուրքիա-Սիրիա հարաբերությունների ֆոնին: Դամասկոսը հայտարարում է, որ Թուրքիան օկուպացրել է երկրի մի մասն ու պահանջում է ազատել զբաղեցրած տարածքները:
ԽՈՐՀՈւՐԴ Է ՏՐՎՈւՄ ԿԱՐԴԱԼ
