Թոմաս Տուխելը ներկայացվել է որպես «Բավարիայի» գլխավոր մարզիչ.
Երեկ մյունխենյան ակումբը հայտարարեց 49-ամյա մարզչի հետ մինչև 2025 թվականի ամառ պայմանագիր կնքելու մասին։
«Երբ պայմանագիր ես կնքում «Բավարիայի» հետ, դա մեծ պատիվ է։ Շնորհակալ եմ Օլիվեր Կանին, Հասան Սալիհամիջիչին, Հերբերտ Հայներին և Ուլի Հյոնեսին վստահության համար։
Եթե նույնիսկ որոշ ժամանակ աշխատես դրսում, ավելի շատ կհասկանաս «Բավարիայի» կարևորությունը։ Ակումբի ԴՆԹ-ն աշխատանք է։ «Բավարիայում» գլխավորը հաղթանակներն են, ինչպես նաև դրանց ձեռքբերման ձևը։
Այս թիմը Եվրոպայի ամենատաղանդավորներից և լավագույններից մեկն է։ Ես անհամբերությամբ սպասում եմ այս թիմի հետ աշխատելուն»,- ասել է Տուխելը:
