Մեծ Բրիտանիայի Պրեսթոնի դատարանը հունիսի 18-ին ցմահ ազատազրկման է դատապարտել 37-ամյա ուսուցիչ Ջեյմի Վարլիին՝ 13-ամսական որդեգրած որդու՝ Փրեսթոն Դեյվիի սպանության և սեռական բռնության համար։ Վարլիի զուգընկերը՝ 32-ամյա Ջոն ՄաքԳոուեն-Ֆազակերլին, դատապարտվել է 25 տարվա ազատազրկման՝ երեխայի նկատմամբ դաժան վերաբերմունքի և մահվանը նպաստելու համար։
Դատախազ Փիթեր Ռայթի խոսքով՝ երեխայի մարմնի վրա հայտնաբերվել է 40 տարբեր տրավմատիկ վնասվածք։ Չնայած այն հանգամանքին, որ վերջին ամիսներին երեխան բազմիցս տեսակցել է սոցիալական աշխատողների և բժիշկների, որևէ լուրջ ահազանգ չի հնչել։ Անգլիայի երեխաների հարցերով հանձնակատար Ռեյչել Դե Սուզան այս դեպքը որակել է որպես «աղետալի ձախողում» երեխաների պաշտպանության համակարգում։
Ներկայումս Օլդհեմի խորհուրդը վերսկսել է անկախ ստուգումները՝ պարզելու համար, թե ինչու պատկան մարմինները չեն կարողացել կանխել ողբերգությունը։ Փրեսթոնի կենսաբանական մայրը դատարանում հայտարարել է, որ երեխան պետք է պաշտպանված լիներ, սակայն նրան վստահել էին մարդկանց, ովքեր դաժանորեն խլեցին նրա կյանքը։