Վենեսուելայում կրկին խափանվել է էլեկտրամատակարարումը, ինչը մեծ դժգոհություն է առաջացրել ողջ երկրում:
Մայրաքաղաք Կարակասում, ի նշան բողոքի, ցուցարարներն անվադողեր են այրել, արգելապատնեշներ կառուցել իրավապահների դեմ:
Էլեկտրամատակարարման խափանման պատճառով խմելու ջրի մատակարարումը նույնպես սահմանափակվել է:
Երկրի նախագահ Նիկոլաս Մադուրոն հայտարարել է, որ հոսանքազրկումը պայմանավորված է էլեկտրաբաշխիչ օբյեկտների վրա իրականացված «էլեկտրամագնիսական հարձակումներով»:
Հիշեցնենք` հոսանքազրկումներ եղել են նաև մի քանի օր առաջ։ Դրանց համար երկրի ընդդիմության առաջնորդ, ինքնահռչակ նախագահ Խուան Գուայդոն մեղադրել էր Մադուրոյին։